تاني واجب ليا في التدوين، المرة دي من علوش عن أصوات وشغلات مزعجة، ولكن نظراً لاختلاف اللهجات قررت أسميها حاجات مزعجة، بيني وبينكم لما فكرت حاجات كتير مزعجة، ويا سلام سلم بقى على الأصوات.
1. من أزعج الحاجات بالنسبة لي صوت الحضانة الي جنب بيتنا ألف باء تاء، ألخ… طول النهار، ساعات باصحى عى أصواتهم ربنا يديهم الصحة يا رب، على فكرة بعرف الأجازات الرسمية م الحضانة دي يعني لما ما اسمعش صوتهم الصبح اعرف إن الموضوع فيه إن واحتمال كبير يكون النهرده أجازة.
2. صوت البتاع ده بتاع دكاترة الأسنان، صوته مزعج جداً ويخوف أوى، مع الإعتذار مقدماً لأي طبيب أسنان هيعدي من هنا، مهما كانت درجة قرابته مني، دي حقيقة محدش يقدر ينكرها.
3. أيام المدرسة لما حد يجب طباشيرة و ززززززززززززززز على السبورة، ببقى هاين عليا أقوم أبوس أيده، حرام أرحمنىن بس كفاية.
4. لما أكون ماشية في طريق وفجأة الطريق قدامي يقف وأضطر أقف لأنه واقف طبيعي يعني، ويبدأ الي ورايا في العربية يزمر ويزمر ويزمر، على أساس إني واقفة باتشمس بمزاجي أو على أساس إني ممكن أطير.
5. تلك السويعات التي تسبق امتحاني وكذلك تلك الأيام التي تسبق إعلان النتيجة، من أسوء الأيام التي تشهدها مراكز التركيز ومستقبلات الهدوء لدي، يعني لو نلغي الامتحانات والنتيجة ويكون في ثقة بين الطلبة والدكاترة كده.
6. الزعيق الكتير في سكاشن الصيدلانيات!!!
7. الصوت الصادر عن بطارية Laptop عندما استنزف طاقتها كاملةً آمرة إياي بإنهاء التدوينة الآن.
أتمنى أن يقوم @أيام، @أبو مروان، @أحمد كرم، @رادار، @فتاة الأمل، Female@، @أراك لاحقاً، @ثواب بحل الواجب كيفما ومتى أرادوا ذلك.
ما كتبته عن: معامل الصيدلانيات, طبيب أسنان
التعليقات
الأقسام
مدونات صيدلانية
…. على أساس إني واقفة باتشمس بمزاجي أو على أساس إني ممكن أطير…..
هههه، فعلاً، بتصير كتير.
صوتي منخفض جداً
، لدرجة يشكو منها الآخرون ، لذلك فأنا أغبط كل من لديه صوت عالي ( حتى ولو كان مزعج 
) 
أكثر ما أنزعج منه هو أن أرى إحداهن تضحك بصوت عالي ، شئ يدل على انعدام الحياء
ان شاء الله هحل الواجب في أقرب فرصة ممكنة !
كفايه الإمتحانات , على الأقل ناخد درجة أعمال السنه ;) !
شكراً يا دكتور . .
انا مش هتكلم عن صوت أجهزتنا
هسيب دكتور سنان غيري يرد
غريب
كتير من الحاجات دي بتزعجني
خصوصاً كلاكس العربية اللي ورايا وصوت الحضانة او المدرسة وصوت الطباشير
فعلا اللي بيضربوا كلاكسات فاكرين الناس اللي قدامها مبسوطة من الوقفة والا ممكن تطير…أما عن أزيز آلة الحفر عند طبيب الأسنان…حدث ولاحرج!!
على أساس إني واقفة باتشمس بمزاجي أو على أساس إني ممكن أطير.
ان شاء الله أحله قريباً ..
أكيد يا هبة نسيتي حاجة مهمة جدا ألا وهي
الإستيقاظ مبكرا لحضور محاضرة الصناعية 4 ساعات متواصلة
تدوينة لذيذة وبرافوا عليكي أنك حليت الواجب إن شاء الله نحل الواجب بس باستجمع قوايا
[...] أحل واجب الأخ علوش الذي اكدته الأخت هــبة رغم أن الموضوع ليس بعيدا ولكنه من باب الفضفضة ولكن [...]
اديه متشابهين بالامور اللي بتزعجنا
شو رأيك نعمل جبهة لاصوات الطباشير
شمراً قطر الندى على التدوينة …
اظن انا كده زى الفل والواجب بتاعى تمام
لما نشوف الناس بقى هتعمل الواحب ولا ايه ؟؟
[...] عليكم و رحمة الله و بركاته , مررت لي الأخت د.هبه هذا الموضوع , وهو عن الأشياء و الأصوات المزعجة التي [...]
علوش…
اشكر مرورك وكذلك الواجب الظريف
رادار…
فعلاً موضوع ضحك البنات مزعج للغاية
ربنا يهدي الجميع
وبانتظار حلك للواجب كاملاً
أراك لاحقاً…
برافو حليت الواجب
د. إبراهيم…
المشكلة إن كتير حواليا دكاترة سنان والكل زعل مني
مستنيه حلك للواجب
على أبو طالب…
مرورك أسعدني
Female…
شطورة حليتي الواجب
هوبه…
يا بنتي اسكتي بقى خلينا نعدي الكام شهر الي فاضلين دول
ربنا يسترها معانا
أبو مروان:
برافو برضو حليت الواجب
أحمد كرم…
ما شاء الله كلكم شطار وحليتم الواجب
فرح إم…
صوت الطباشير يبدو أنه مزعج للجميع جداً
[...] الثاني مرره لي أمل وقطر الندى وسامي [...]